Walt Disneýiň hekaýasy

Walt Disneýiň hekaýasy Walt Disneýiň hekaýasy gurrun

Karikatura filmleriniň başyny başlaýjy, Disneýlandiň döredijisi, asyryň iň döredijilikli danalaryndan biri bolan Walt Disneý, bu derejelere ýetýänçä köp sanly tankytlara sezewar bolupdy.

Walt Disneýiň maşgalasy Çikagodan Missoure göçüpdi. Umuman maşgalasy göçmegi halaýardy. Dokuz ýaşyna ýetende Disneý Kansas şäherine ýerleşdi. Maddy mümkinçilikleri pes bolansoň, Disneý işlemeli bolupdy. Şol sebäpli Disneý okuwa doly gatnap bilmeýärdi.

Watansöýüji ýaş oglan bolansoň 1. Jahan urşyna gatnaşmak üçin ýazylmaga bardy. Emma 16 ýaşynda bolansoň, ret edildi.

 Ol ýaşyny bir usul bilen üýtgetmegi başarypdy. Eýýäm şol döwürde öňüne çykan böwetleri dürli usullar çözmegi başarýardy.

Uruşdan dolanan wagty bir gazetde syýasy karikaturalar çyzmak üçin işe girdi. Emma döredijilik ukyby pes diýlip kowuldy. Mundan soňra birnäçe täze zatlary barlap gördi.

Dogany Roý sungat studiýasynda işleýärdi. Walt Disneyi meşhur karikaturist Ubbe Iwerks bilen tanyşdyrdy. Olar bilelikde “Iwerks-Disney” karikatura firmasyny döretdiler.

Walt Disney guran işi üçin tolgunýardy. Gysga wagtda kreýine kamera alyp, ilkinji multifilmini çekdi. Multifilmiň ady “Laugh-O-Grams”-dy.

Bu üstünlik oňa Kansasda tanymal bolmagyna itergi berdi. Soňra özi ýene bir studiýany satyn aldy. Işler örän gowy barýan ýalydy, emma gysga wagtda batdy.

Ol öz işgärleriniň aýlyklaryny wagtynda berip bilmedi.

Emma ol hiç umytdan düşmedi, kamerasyny satyp Golliwuda ýerleşdi. Režisýorlyk üçin bildirişlere aýlanyp başlady.

Iň soňky çäre hökmünde dogany Roý we Karikaturist Iwerksiň özüne goşulmagyny isledi. Şeýlelikde “Disney Brothers” studiýasyny gurdylar.

Başlarda işler gowy gidýärdi. Iwerks towşanyň şeklini ýasapdy. Emma herekedi beren Waltdy. Muňa garamazdan indi Walta mätäç däldigini aýtdy.

Walt ýene lapykeç bolupdy. Mundan soň ol diňe öz döreden karakterleri bilen işlejekdi.

Walt indi täze bir multifilm şahsyýetini emele getirmelidi. Mydama syçan hakda pikir edýärdi. Ahyryn hemmeleriň bilýän syçanjygy mortimer ady bilen çyzdy. Soňra bolsa oňa “Mickey mouse” ady berildi.

“öňe gitmäge dowam edýäris, täze zatlar etmek isleýäris, çünki bilesigelijigimiz bizi muňa iterýär. Eger onuň yzyndan gitmäge mertligimiz ýetýän bolsa, başarmajak zadymyz ýok”

Walt Disneý

Walt Disneý 65 ýyllyk ömründe 5 Oskar baýragy, 31 akademiki baýrak aldy.

62 ýaşynda dünýäniň iň meşhur şahsyýetlerinden biri bolandan soň, rak keseline duçar boldy. 65 ýaşda bolsa aradan çykdy. Onuň durmuş ýoly biz ýaşlara uly görelde bolmalydyr.

Çeşme: ceotudent.com