Kim kör???

Kim kör??? Kim kör??? gurrun onun için, veýa, onun için, veýa, onun için, veýa, onun için, veýa, onun için, veýa. Onun için, veýa, onun için, veýa. onun için, veýa,. onun için, veýa, onun için, veýa, onun için, veýa. Olmak onun için, veýa, onun için, veýa, onun için, veýa. Ruya onun için, veýa. Onun için, veýa, onun için, veýa. Oýle onun için, veýa, onun için. veýa, onun için, veýa, olmaz onun için. Veya, onun için, veýa, onun için, veýa. O zaman onun için, veya, onun için, veýa, onun için, veýa, Ruya onun için, veýa. Onun için, veýa, onun için, veýa. Oýle onun için, veýa, onun için. veýa, onun için, veýa, olmaz onun için. Veya, onun için, veýa, onun için, veýa. O zaman onun için, veya, onun için, veýa, onun için, veýa. Veya, onun için, veýa, onun için, veýa. O zaman onun için, veya,

Okap ýören ýurduma gelenine ýaňy bir aý bolup barýan dostum bilen irden awtobusa çykdyk. Bu gezek irräk çykanymyz üçin awtobusda ýer tapdyrdy. Yzyraga geçip oturduk. Iki duralgadan soň üç sany kör mündi. Ikisi jübütdi we iki adamlyk ýere geçip bileje oturdylar, üçünjilerem beýleräginde bir ýer tapdy-da oturdy. Awtobusyň yza bakýan oturgujynda oturanlary üçin bize tarap görnüp durdylar. Insoňy meni görenoklar diýip pikir etdimmi ýa üsti-başlary ünsümi çekeni üçinmi bilemok, synlap oturdym.

Üstleri tertiplije, eşikleri arassaja we ütüklijedi. Birden öz ýygyrdymdan utandym, gizläsim geldi. Gaty manysyz eşdilýänini bilýän, ýöne hawa, şowagt çyndanam aýbymy körden bukmak isläpdim, utandym. Eşikleri, gelnejäniň elindaki sumkajygy, köwüşleri könejedi, ýöne şeýle bir arassa we tertiplidi welin özümden utandym.

Aslynda bu döwletde maýyplaryň köpüsi hatda garybrak adamlardan sagdynlaram gedaýçylygy saýlaýar. Bu üçüsi bolsa düýbinden tapawutlydy. Belkem syn etmegime sebäp bolan zat hem tapawutlarydyr. Ýol uzak, synlap oturdym. Olaram hümürdeşip gürleşipjik barýardylar. Biri-birleriniň gulaklaryna golaýlaşyp birzatjyklar aýdýalar. Soňam şeýlebir mähirli ýylgyrýalar. Ilki menem olara seredip bagtlydyklary üçin ýylgyrdym. Soñam birden içimi bir gussa gaplady.

Ýaňy hem aýdyşym ýaly bärde maýyp köp, elsiz, aýaksyz, akly kem garaz herhilisi bar, açlykdan öljek bolup gymyldabilmän ýatanam aram-aram duşman duranok. Ýöne öwrenşipdirin, hiçisine seredip beýle gussa giremokdym. Käwagtjyklar çagajyklaň işläp ýörenini görsem ýüregime iňňe sünjülýärdi. Bu gezek welin biri-birine arkalaşypjyk tertiplije gezip ýörenlerine duşup gussa batyp otyryn.

Gelneje ýaman mylaýym, mähirli ýylgyrýardy. Her gülüşünde birhili kör gözleri ýalpyldap gidýärdi. Töweregimdäki gözlülere göz aýladym. Hiçisiniň ýüzünde beýle mähir, beýle ýylylyk ýokdy. Hemmesi doň tutan ýaly torsarylyp gaýgyly otyrdy. Ýek-tük ýylgyrýanam zor bilen ýylgyrýan ýalydy. Gussam hasam artdy, kemsindim. Maýypdan kemsindim. Nämäni görýäň gelneje? Beýle ýürekden ýylgyrmak üçin bir awtobus “gözli” adamyň görübilmän seniň görýän zadyň näme?

“Kiçijek şazada”da Antuan daýy “Ýürek bilen duýanyňy gözüň bilen görmersiň” diýýär. Gelnejäni mähirli ýylgyrdýan zat ýüregi. Meni gussa batyryp oturanam mende şo ýüregiň ýoklugyna içimiň ýanmagy. Çynym bilen ejize gynanandyryn, gussa batandyryn, ýüregim ýumşandyr öýtdüm. Asyl şol egoistligim eken, ýene gözümden akjak ýaşam egoistlikden akjak eken. Ejizem özüm ekenim, maýybam.

Olar ýaly ýürekden ýylgyryp bilmeýänime gussa batyp otyr ekenim. Ýanymdaky dostum bolmasady, menem hezil edip özüme aglasadym. Saklabilmedik bir iki damjamam süpürdim. Tutuldymmykam diýip dostumyň ýüzüne seretdim. Asyl oňam gözleri meňkiden gowy dal, gyzaryp dur. Ikimizem olar barada bir sözem geplemedik.

Ýazan: Galamkesh