Tohumyň geninde ýazylanlar. Eziz tohum, bu

Tohumyň geninde ýazylanlar Tohumyň geninde ýazylanlar gurrun onun için, veýa. Onun için, veýa, onun için. Hep veýa, onun için. Ama veýa, onun için. Kim veýa, onun için, veýa. Bak onun için, veýa. Onda onun için, veýa,. onun için, veýa, onun için, veýa, onun için, veýa. Olmak onun için, veýa, onun için, veýa, onun için, veýa. Ruya onun için, veýa. Onun için, veýa, onun için, veýa. Oýle onun için, veýa, onun için. veýa, onun için, veýa, olmaz onun için. Hepsi oldu, kendi geldi.

Eziz tohum, bu genleriňdäki hat, ýyllar boýy uly agaçlar bolmagy başaryp miwe tokaýlyklary döreden atalaryň yhlasy tarapyndan tassyklanandyr. Dogry okamagy başarsaň, üstesine-de yhlas bilen işleseň, seniňem gelejegiň şondan ýagty bolmasa garaňky däldir.

Öz genleriňi açyp görmek bilen dirilik ugrundaky birinji ädimiňi ädipsiň. Beýik agaç bolmak ugrundaky mukaddes ýola hoş geldiň. Bu maglumatlary bir gezek okap goýmaly dälsiň. Gen diýilen zat gaýta-gaýta okap süňňüňe siňdirilmeli zatdyr. Okan zatlaryň hiçisini ylym derejesinde goýmaly dälsiň. Proteine, enzime öwrülmedik genleriň peýdasy degýän däldir. Enzimler seniň amalyňdyr, bu genden okan her bir ylymyňy amala öwürmelisiň. Nä derejede, haçan, nädip amala geçirjegiň hem genleriňde ýazylgydyr.

Hiç zady gaýgy etme, diňe ünslije OKA. Okanlaryňy göni ribozomlara ugratda enzimlere öwür, amala geçir. Ilki sahypalara doly düşünmän soňkylara geçmek üçin howlukma. Tohumlykda, nahallykda, agaçlykda düşünmeli we ýola goýmaly zatlar üýtgeşikdir. Olary biri-birine garyşdyrmagyň geljegiňi howpa salar. Muny soň açyk düşündirerin, sen okaber.

Ýagty dünýäden toprak astyna düşdüm diýip gynanma. Ýagta mert çykmak üçin garaňkydan sapak almak zerurdyr. Ilki bilen toprak bilen tanyş. Onda birinji ädimde saňa gerek zatlaryň ählisi üpjün edilendir. Durmuş maksadyň beýik agaç bolmaga ýetmekdigine düşündiň. Indi ýuwaş ýuwaş topraga özüňi tanat, ony tana. Onuň sowuklygy, gatylygy seni gorkuzmasyn. Toprak bilen mähirli aragatnaşyk saklamagyň üçin ony ýumşatjak enzimleriň bardyr. Unutma, topragyň goldawyny almagyň üçin oňa maksadyňy beýan etmegiň ýetikdir.

Maksat pikir bilen beýan edilýän däldir. Oňa genleriňdäki ýazylgy haty aýdyp berip bilmersiň. Maksadyňy beýan etmegiň üçin enzimleriňi ýagny pikirleriň netijelerini görkezmelisiň. Şonda sen gabygyňy içinden ýarmaga laýyksyň. Gabygyňy ýarmakdan gorkma, bu gabyk seni ösüşden goramak üçin berlen däldir, ol seniň maksadyňa düşünýänçäň heläk bolup gitmezligiň üçin berlen goragdyr. Gabygy ýumşaklyk bilen ýar, ony ynjytma. Tä goja agaç bolýançaň saňa kim kömek etse olara ýumşak bolmalysyň. Biwepalyk bilen agaç bolunýan däldir.

Gabygyňy ýardyň, tüweleme. Indi şinelemek barada gürleşip bileris. Birinji ädimi ätdim diýip göni ýokary eňibermeli däldir. Şinäňi ilki ýere ber. Topragyňa bagryňy bermän ýokary çykma. Ykjamja köküňi ur. Özem kök uraňda şahalanmakdan, bölünmekden gorkma. Düýbe bagly galsa şahalanmagyň zyýany bolmaz, gaýta topraga berk ýapyşarsyň, topragyň saňa berjek peşgeşinden gowja ganarsyň. Toprak saňa döküniňem, suwyňam mineralyňam berer, sen öz etmeli işiňi etde ony gowja gujakla.

Ýene bir möhüm zat bar. Ýeriň ýüzüne çykmak üçin gerekli bolan ýolda daşlar bardyr. Seresaplyja bol, ýöne bar wagtyňy olar barada pikirlenip geçirme. Özüňi para-para edip zeýrenseňem, bu ýol bilen olary dep edip bilmersiň. Sen diňe gaýta-gaýta genleriňi oka-da enzimleriňi öndür. Bu enzimler diňe ýumşaklygyň nyşanydyr. Goý daşlar öz gatylygyna guwansa guwansyn, seniň ýaragyň elmydama ýumşaklykdyr.

Seniň durmuşyňda gatylygyň wagty hem orny hem başgadyr, ony hem wagty gelende agzap geçeris. Bir daşyň içinden geçersiň, ol saňa adaty toprakda tapmajak minerallaryňy hödür eder. Muňa höweslenip ýene bir daşyň içinden geçersiň. Şeýdip gün ýüzüne çykanyňam duýman galarsyň. Daşlary sanajak bolma, sen diňe ýumşaklyk we kararlylyk bilen özüňi ýetişdir. Topragy edil gabygyňy ýaryşyň ýaly ýumşaklyk bilen ýar – ynjytma. Geljegiň göklerde bolsa-da geçmişiň toprakdyr.

Tüweleme, seret eýýäm ýeriň ýüzüne çykdyň. Ýer ýüzüniň ýagtylygyna aldanma. Görünmegiň howpy her haçan gizlenmegiňkiden kändir. Ýöne beý diýsem gorkma, seniň durmuş maksadyň ömür boýy gizlenmek däldir. Indi ýer ýüzüne çykan bolsaň seni ýene bir gizli bölegiň bilen tanyşdyraýyn. Asyl durmuş maksadyň syrynyň esasy bölegi seniň şu agzaňda gizlenendir. Hawa, indi seniňem ýuwaşlyk bilen ýaprak açmaly wagtyň geldi. Başdan başyňda ýük edip göterip gelen agramyň nämedigini bilesiň gelendir. Ol dury howada seň iň ýakyn kömekçiň boljak ýapragyň özeni – pyntyjagyň. Indi ýuwaşlyk bilen ony açyp bilersiň.

Ýaprak seniň daşky dünýä bilen araňdaky köprüdir. Toprak saňa beren zatlaryny birgün oňa gaýdyp bermegiň üçin beren däldir. Gaýta ondan öwrenen zatlaryň arkaly başgalaryna ýardam bermegiň üçin berendir.

Ýaprak bolsa seniň bu ugurdaky ilkinji hem esasy enjamyňdyr. Ýaprak arkaly toprak üstünde dem alyp, dem berip bilersiň. Entäk bu sözleriň seniň üçin ýatdygyna düşünýän. Howadaky kömürturşy gazyny içiňe sor, güne döşüňi ger. Häli şinäňe bagryň diýipdim. Döşüň ýapragyňdyr. Günden gorkma-da döşüňi ger, ýapraklaryňy mertlerçe aç. Bu gaýratyň miwesini aljaksyň, ýapraklarym ýukajyk diýip gorkma. Unutma gaty daşlary ýumşajyk şinäň bilen ýaransyň.

Ýapraklaryň arkaly dürli dümen jandarlara dem berjeksiň. Dur! Dur! Göni pakgaryberme! Bu dem berme prosessi seniň üçin dem alma prosessidir. Sen muňa mätäçsiň. Seni sen edýän zat dem bermekdir. Bu barada öwünmäne zerre ýaljagam hakyň ýokdur. Şonuň üçinem öz tumşugňa özüň urmagy başar. Pespällikden daşlaşyp aljak galaň ýokdur.

Ýapraklaryň seniň üçin ýukalygna zadyna garaman döşüni gerdi. Ony goldamalysyň. Onuň ýokary gatlagynyň güne çydamlylygy üçin ony galňaltjak, çalaja gataltjak molekulalary öndür. Häli gatylygyň nirede gerek boljagyny soň agzarys diýipdim. Seniň ýoluňda gatylygam gerekdir, ýöne bu ýoluň esasy mylaýymlyk üstüne gurlandyr. Gerek ýerinde ikisinem dogry ulanmagy başargynyň. Ýapraklaryňa diňe daşky goldaw ýeterlik däldir. Gorag diýleniň her haçan içki-daşkysy bilelikde üpjün bolmalydyr. Şonuň üçinem toprakdan, ýapraklaryňa çenli damarlaryň emele gelendir.

Toprakdan alanlaryňy göwräniň hemme ýerinde aýla. Bu hem ýapraklaryňa gyzgyna garşy içki goldaw bolar, hemem toprakdan alan iýmitleriň bilen üpjün edip bilersiň. Bu damarlar seniň geljegiň bilen geçmişiň arasyndaky ýüplüklerdir. Olara gowja seret, birjiginiňem üzülmegine rugsat berme.

Ýapraklaryň günden saňa energiýa ýasap berer. Bu seniň geljege bolan umydyňdyr. Toprakdan, geçmişiňden alanlaryň bilen harmanla-da özüňi ýetişdiriber. Köküň, baldaklaryň galňasyn. Olar galňadygyça daşky öýjükleriniň gaty bolmagy zerurdyr. Gatylygyňam dogry ýerde ulanmagyň möhümdigini sen şeýle-de bilýäň ahyry. Bu gatylyk seniň maksada okgunlylygyňdyr, berk bolmalydyr, sarsmaly däldir. Seni daşky howplardan gorap saklajak zadam şoldur.

Indi sen boýuny alyp ugran bir nahal. Şahalanmagy ýatdan çykarma. Unutma edil köküňi şahalandyranyňdaky pikire uýmalydyr. Düýbüňe berk ýapyşda şahalanyber. Köp şahaň bolsa köp ýapragyň bolar, köp ýapragyň bolsa, köp dem berersiň, köp energiýa alarsyň.

Kähalatlar güneşiň gider. Öňüni gap-gara bulutlar baglar. Dem berme ukybyň söner. Gamlanma, wagtlaýyndyr. Saňa gara görünýan zatda seniň üçin uly haýyr bardyr. Bu bulutlaryň özara çaknyşmasy seni gorkuzmasyn. Olaryň ýyldyrymy, saňa iýmit boljak azody iň ýokumly şekilde hödür edýändir. Onuň yzyndan geljek ýagyş hem seniň üçin toprakda uly bir rahatlyk emele getirjekdir. Seniň bu garaňky güne çenli ýekeje etmeli zadyň topraga berk ýapyşmakdyr. Garaňky günlerde mert bolmagyň iň uly kepili öňünden biliňi berk guşamakdyr.

Indi ýuwaş ýuwaş güllemegiñ ugruna çykyp bilersiň. Güllemegiň başdan bäri yzarlap gelýän mylaýymlyk, ýumşaklyk şygarynyň ýüzüňe urmagydyr. Olaryň içinde süýjüje ýumşajyk tozanjyklar öndür. Ýumşaklyk we süyji dillilik bilen töweregiňdäkilere özüňi tanat. Gülleriň owadanlygyna aldanyp olary arylardan gysganmagyn. Olar sen baradaky maglumaty seniň ýalylara ýetirer. Olardanam saňa maglumat getirip bererler. Şeýlelikde düýbünden başga dünýäň gapysyny açdygyň bolar.

Bu ýolda ýeke daldigiňe düşünersiň. Mundan beýläk ätjek her bir adimiňi jemgyýet düşünjesi içinde ätmelisiň. Şeýdibem özüň ýalylar barada arylar, mörmöjekler arkaly saňa gelip gowuşan habar arkaly miwäniň ugruna çykyp bilersiň. Gülüň owadanlygynyň wagtlaýyndygyny unutma. Seret eýýäm soldy. Gamlanma etmeli işini bitireniň solmagy adatydyr. Gynançly zat işini bitirmezden solmagydyr. Solmajak bolsady açylmagynyň bir gadyry bolmazdy. Solan gül üçin her gynananyňda miwäni ýadyňa sal. Bu ýolda ýitgileriň bolmalydygy açyk ahyry. Ýitgisiz gazanç hem kämillik hem bolanok.

Oňa gynanmagyňy goýda sabyr bilen miwäň üçin şire öndür. Ýapraklaryň saňa bu işde kömek eder. Olara seret, her öndürenlerini miwäňe toplamagyň üçin jan edip işleýärler. Daşyndan sereden olara ýöne kölgelik durandyr öýdübersin.

Miwe öndürmekde ýene bir möhüm mesele bardyr. Olam iliň miwesine seretmezligiňdir. Her agajyň miwesi başgadyr. Ile seredip başgasy boljak bolma. Sen öz miwäň bilen özboluşlysyň. Sen nähili olar bolup bilmeýän bolsaň, olar hem sen bolup bilýän däldir. Ýöne olara seredip yhlaslaryny görelde alyp bilersiň. Ahyry miwesi üýtgeşigem bolsa her agajyň durmuş pelsepesi meňzeşdir. Olaryň hyzmat ediş ýollary azajyk üýtgeşik bolup biler. Ýöne esasy maksat birdir. Şonuň üçinem jemgyýet durmuşyna üns ber.

Tozanlanyňda täze bir dünýäniň gapysyny açanlygyňy aýdypdym. Indi şahalaryň uzynlygyna üns bermeli bolarsyň. Töweregiňdäki agaçlar hem seniň bilen bir maksadyň ugrunda yhlas edýändirler. Näçe hyjuwyň bolsa-da ýoldaşlaryň öňüni kesip maksadyňa ýetip bilmersiň. Gerek bolsa has köp ýaprak öndür, has köp miwe ber, ýöne şahalaryňy olaryň şahalary bilen çaknyşdyrma. Seniň bilen bir yoldakylara bolan sylagyňy hiç haçan ýitirme.

Bu geçen wagtyň içinde miwäň hem ýetişendir. Miwäňi paýlaşmak üçin ýetişdirensiň. Olary hemmelere paýla. Miwäňe bolan bagyňy gowşat. Islän ondan aňsatlyk bilen alyp bilsin. Tohumjyklaryňy miweleriň içinde gizläpdiň. Indi miweleriň arkaly seniň hem köpelmegiň wagty geldi. Olary iýen haýwanjyklar olary dürli dürli ýerlere ýayradarlar. Bu okap oturan zatlaryňy senem öz tohumyň içine ýerleşdirensiň.

Her ýoluň soňunda boluşy ýaly gynançly ýerine hem ýetdik. Indi sowuk gelip ugrar. Miwe berdiň, indi ýuwaşjadan ýapraklaryňy saraldyber. Olardan aýra düşmek ikiňiz üçin hem kyn, bilýän. Ýöne ýitgisiz ýol geçilmeýär. Ýapraklaryň saralyp gopmagy, indiki ýyllar täzeden pyntyk açmagyň üçin möhüm. Olar guramasa sowuk seniň içiňe girýär. Köküň, baldagyň saglygy üçin olar özlerini pida etmeli bolarlar.